नतुलिं सुया जात्रा

पूर्ण ताम्राकार

थिमि मध्यपुर लागाय् नगदे व बोदे धयागु निगू गां दु । थुकी मध्ये बोदेय् जक बिस्काः जात्रा छन्हु न्ह्यव छगू जात्रा दूय्दसं न्यायेका वयाच्वंगु दु । म्येचय् नतुलिं सुयातःम्ह छम्ह मनूयात गामय् चाःहीकाः क्यनीगु तमाशा हे थ्व नतुिलं सुया जात्रा खः । थ्व जात्रा जुजु जगज्योति मल्ल ने।सं। ७२६ निसें ७५३ तकया पालं निसें न्ह्याःवयाच्वंगु खः धाइ ।

बोदेशं भचा जक तापाक्क छगू बिस्कं बन दु । थुकिया दुने नीलबाराहीया देगः छगः स्वनातल । थुकियात न्ह्याब्लें बिचाः यानाः रक्षा याना तईपं निम्ह लाखेत जुया-च्वन । थुकथं थुमिसं हायेकूगुिलं थुमित स्यस्यःतय्सं छम्ह तान्त्रिकयापाखें तारण तयाः ज्वनाखतं सजाूयया रुपय् इमिगु म्यचय् नतुिलं सुयाः गां चाःहीकल । थथे यासेंलि छुं न्हि लिपा उगु गामय् नाना प्रकारया भ्वल्वय् न्यनावल । स्यस्यः-तय्सं हाकनं उम्ह तान्त्रिकयात क्यना स्वःबलय् थः सेवकिपंसं क्षमा Ïवंसां थुमित बेइज्जत याःगुिलं नीलबाराही तम्वयेका बिज्यात धयागु सीदत । अले छु याःसा द्यः लय्ताइ धकाः न्यंगु बखतय् उम्ह हे तान्त्रिकपाखें लाखेतय्त सास्ति जुइक जात्रा याःथें हे ब्वसाये कथं थुपिं स्यस्यः मध्ये छम्हेसित नांगागु म्येचय् म्हुतुप्वाः तीमजीक वांखाकाः छपु ताःहागु नतुिलं हि वयेक सुयाः जात्रा याःसा थ्व भ्वल्वय् ब्याक्कं तनावनाः गामय् चीरशान्ति जुइ धाःगु पुलां धापू न्यनेदु । थुकथं थ्व जात्रा न्ह्याः वयाच्वंगु जुल ।

वि।सं। २०५७ सालया न्हूदू कुन्हु ३३ दू दुम्ह चन्द्रकृष्ण बाग श्रेष्ठयात थ्व जात्राया मू पात्र यानातःगु ९ दँ दयेधुंकल । वय्कलं थुकिया मुख्यम्ह नायः छम्हेसिके ४÷५ न्हु न्ह्यव उजं कयाः नीलबाराहीया बनं गुूसि छकू कयाहयाः माक्व थीथी द्यःपिनि न्ह्यःने च्याकाः पुज्यायेवं वयाके दैविशक्ति दुब्यूवइ धयागु वयागु क्वातुगु विश्वास दु । अनंलि न्हापां निसेंया-म्ह म्ये ह्वखनीम्ह कःमि नायः छम्हेसित नायबाजं थाकाः सः-तके छ्वइ । वयापाखें भाजु चन्द्रकृष्णयात गणेद्यःथाय् विशष दयेकातःगु नूया दबुली तयाः म्ये ह्वखंकेगु धर्मया ज्या छुनायंकी । ह्वखनीबलय् नांगा म्य मस्याकेत खुगू ईाच ताःहाकःगु नूया नतू छपु लछि न्ह्यवंनिसें देमा छपातय् चिकं तयाः तुकातइ ।

थ्व जात्रा न्यायेकेत भरायधंगु ंचक्काया बाचाःतूगु आकारया पंया यन्त्र छगू न्ह्याब्लेंयात दयेकातल । थुकी जवखवं ५÷५ त्वाः उति ग्यंगु पंत्वाःया दथुइ तग्वः पंत्वा छपु बापा मिला लुइक धस्वाक्क तियातल । थुपिं बाचाःतुगु पंखाः झिंछपु मन्ह्याइ कथं दथुइ ह्याऊ खिपतं क्वातुक्क चिनातल । थुपिं १÷१पु दतले पंत्वाःया च्वकाय् चिकं मवाइ कथं मसंक चिनातःगु पाल्चा च्याकी । थनंलि थःगु म्य ह्वखंकूम्ह भाजुं थःगु देया ब्वहलय् तःफि कापःया द्यःने थ्व भे धाःगु यन्त्र झ्यातकु क्वबुया यंकी । थन त्वालय् दिकातःगु न्ह्यखः द्यःखः दर्शन यायां वय्कलं शहर छगुिलं चाःहिली । थ्व जात्राय् ल्यूल्यू ब्वतिकाःझाःपिं सकल त्वाःबापिंसं थन आवंलि गब्लें हे रोग शोक ब्याधि छुं हे मजुइक न्ह्याब्लें सुख मंगल व शान्ति ब्याप्त जुइमाः धकाः मनोकामना याइ । दक्कय् लिपा महालक्ष्मी देगलय् थ्यंकाः थनयाम्ह गणेद्यःत विधि कथं पुज्याये धुंकाः म्यचय् तियातःगु नतू लिकयाः भेयात अंगलय् निकं तानाः यखाये धुनेवं थ्व स्वये हे न्ह्यइपुगु जात्रा थनं तुं पूवंक क्वचाइ ।